《言論自由》
森﹕陳一諤發表既六四言論被人口誅筆伐，有人認為大家應該尊重佢既言論自由，唔可以搞輿論霸權……
豪﹕嘩，好臭，請問…你係咪無刷牙？
森﹕伏爾泰話「雖然我不同意你說的話，但我誓死維護你說話的權利」，我有言論自由，你點可以話我臭？
豪﹕「雖然我誓死維護你說話的權利，但我不同意你說的話﹗」
我都有發表「你把口好臭」既言論自由架。難道我摀鼻就係歧視你、叫你刷牙就是打壓你？？
森﹕提提大家，世界人權宣言包括：「言論及表達自由」、「信仰自由」、「免於匱乏的自由」、「免於恐懼的自由」，但無包括，免於被批評的自由。
